د افغانستان لپاره د سره صلیب نړیواله کمیټه وايي چې په کونړ ولایت کې د وروستۍ زلزلې له امله بې شمیره کورونه زیانمن شوي دي.

د جمهور آژآنس د خبر له مخې د افغانستان لپاره د سره صلیب نړیوالې کمیټې د رسنیو دفتر نن یکشنبې (د وږي ۱۶ مه) وویل چې په کونړ ولایت کې د وروستۍ زلزلې له امله په زرګونو خلکو خپل ژوند له لاسه ورکړی، ډیر نور ټپیان شوي دي، او بې شمیره کورونه په کونړ ولایت کې د زلزلې له امله زیانمن شوي دي.

کمېټې وویل چې زموږ ټیمونه بیړنیو اړتیاوو ته ځواب ورکوي، طبي تجهیزات، اوبه چمتو کوي او د جسدونو په اداره کولو کې د ځایی طالبانو ملاتړ کوي.

د یادونې وړ ده چې د هیواد په ختیځو ولایتونو، په ځانګړې توګه په کونړ ولایت کې وروستۍ زلزلې له ۲۲۰۰ څخه ډیر کسان وژلي او له ۳۰۰۰ څخه ډیر نور یې ټپیان کړي دي.

جمهورخبري آژانس