طالبانو د ازبک پانګوالو سره د ۹ زره میګاواټه څخه زیاتې برېښنا د تولید او زیربنا لپاره قراردادونه لاسلیک کړل
د طالبانو اقتصادي دفتر د ازبک پانګوالو سره د ۹ زره میګاواټه څخه ډېرې برېښنا د تولید او زیربنا لپاره د قرارداد لاسلیک اعلان وکړ.
د جمهور آژانس د خبر له مخې د طالبانو ادقتصادي دفتر د رسنیو دفتر نن شنبې (د وږي ۱۵مه) په یوه بیان کې وویل چې د پانګونې د جلبولو او د افغانستان د برېښنا سکتور د ملاتړ په کنفرانس کې، د ۹۱۲۳ میګاواټه ظرفیت لرونکي برېښنا د تولید او د برېښنا د زیربنا د جوړولو لپاره د تفاهم یادداشتونه او د ۲۸۴ میګاواټه ظرفیت لرونکي برېښنا د تولید لپاره قرارداد د برېښنا شرکت او یو شمیر پانګوالو شرکتونو ترمنځ لاسلیک شو.
دا پروژه د ازبکستان او برېښنا شرکت ترمنځ د ۲۵۰ ملیون ډالرو پانګونې سره لاسلیک شوه.
په دې پروژو کې د ۵۰۰ کیلو ولټه سورخان-پلي-خمري برېښنا مزي غځول، د دشت الوان سب سټیشن غځول، د ارغندي سب سټیشن غځول، او د شیخ مصري سب سټیشن ته د ۲۲۰ کیلو ولټه برېښنا مزي غځول او د دې سب سټیشن غځول شامل دي.
جمهورخبري آژانس
