امریکایي رسنیو راپور ورکړ چې د هیواد پخواني سرتیري له افغانستان څخه د امریکا د وتلو د څلورمې کلیزې په مناسبت له حکومت څخه حساب غواړي.
د جمهور آژآنس د خبر له مخې، فاکس نیوز نن چهارشنبې (د وږي ۵ مه راپور ورکړ چې پخوانیو امریکایي سرتیرو د کابل د سقوط په ورځو کې د ۱۳ امریکایي سرتیرو او سلګونو افغان ملکي وګړو د مړینې پړه د پخواني حکومت پر بې کفایتۍ اچولې ده.
د هیومنټي لپاره د اتلانو بنسټ ایښودونکي ډینس پرایس وویل چې د امریکا له وتلو څلور کاله وروسته، د هغې ورځې ټپونه لاهم تازه دي او دا هغه سرتیري او پخواني سرتیري وو چې د ملکي وګړو د ژغورنې مسؤلیت یې په غاړه واخیست.
چاډ روبیچاډ، د امریکا د سمندري ځواکونو یو پخوانی افسر چې په لسو ورځو کې یې له ۱۷۰۰۰ څخه ډیر خلک له افغانستان څخه ایستلي وو، هم ټینګار وکړ چې د هغو کسانو بار چې شاته پاتې دي لاهم زموږ په وجدان باندې دروند دی.
سرتیرو د امریکا د دفاع وزارت د نوي تحقیقاتو هرکلی وکړ او ویې ویل چې په کابل کې د وژل شویو ۱۳ سرتیرو د کورنیو لپاره عدالت د امریکا د ملي دندې یوه برخه ده.
د کابل هوايي ډګر د "ابیګیل ګیټ" په دروازه کې ځانمرګي برید ۱۳ امریکايي سرتیري او ۱۷۰ افغان ملکي وګړي ووژل.
جمهور خبري آژانس
