د پولیو واکسین کمپاین به د شنبې په ورځ په ختیځو ولایتونو کې پیل شي

د افغانستان د پولیو څخه پاک بنسټ د شنبې په ورځ په ختیځو ولایتونو کې د پولیو واکسین کمپاین د پیل اعلان وکړ.

د جمهور خبري آژانس د خبر له مخې د افغانستان د پولیو څخه پاک بنسټ د رسنیو دفتر نن سې شنبې (د وږي ۴مه) په یوه اعلامیه کې وویل چې دوی به د راتلونکې اونۍ د شنبې په ورځ په ننګرهار، کونړ او لغمان ولایتونو کې د پولیو واکسین کمپاین پیل کړي.

په اعلامیه کې زیاته شوې: دا کمپاین به د سرخرود، بهسود، خوګیاڼیو، بټي کوټ او جلال آباد ښار په ولسوالیو کې ترسره شي.

په اعلامیه کې ویل شوي چې د پولیو واکسین، د پولیو څاڅکي واکسین سره یوځای، د ویروسونو په وړاندې د ماشومانو معافیت سیسټم پیاوړی کوي.

دغه بنسټ په دې ولایتونو کې د ماشومانو له والدینو څخه وغوښتل چې خپل ماشومان د واکسین لپاره چمتو کړي.

د نړیوالو سازمانونو د راپورونو له مخې، د ختیځو ولایتونو سربیره په بادغیس او هلمند ولایتونو کې هم د پولیو مثبتې پیښې شتون لري.

جمهورخبري آژانس