د طالبانو د بهرنیو چارو وزیر ډیلي ته سفر د ملګرو ملتونو د امنیت شورا د نه تصویب له امله د هند لخوا لغوه شو.
د جمهور آژانس د خبر له مخې ټاکل شوې وه، د طالبانو د بهرنیو چارو وزیر امیر خان متقي د اګست له ۲۷ څخه تر ۲۹ مې هند ته سفر وکړي؛ خو د ملګرو ملتونو د امنیت شورا د هغه د سفر د بندیز څخه د معافیت د نه تصویب له امله دا سفر لغوه شو.
سرچینو رسنیو ته وویل چې هند د متقي بلنه وروسته له هغه بیرته واخیسته چې د امنیت شورا د هغه د معافیت غوښتنه رد کړه.
د یادونې وړ ده چې د محب الله واسع په مشرۍ د طالبانو یوه پلاوي مخکې له دې هند ته سفر کړی و، خو هندي چارواکو د دوی لپاره رسمي پروتوکول نه درلود.
د طالبانو د بهرنیو چارو وزیر د ملګرو ملتونو د امنیت شورا د لنډمهاله سفر د معافیت د نشتوالي له امله هند ته د سفر کولو توان نه درلود، او په دې میاشت کې پاکستان ته د هغه سفر هم د ورته دلیل له امله لغوه شو.
جمهورخبري آژانس
