ملګري ملتونه په مرکزي سیمو کې د ۲۳ تعلیمي مرکزونو لپاره د لمریزې بریښنا سیسټم نصب کړ

په افغانستان کې د ملګرو ملتونو پراختیایي پروګرام (UNDP) د هیواد په مرکزي سیمو کې د ۲۳ تعلیمي مرکزونو لپاره د لمریزې بریښنا سیسټمونه فعال کړي دي.

د جمهور خبري آژانس د خبر له مخې په افغانستان کې د ملګرو ملتونو پراختیایي پروګرام (UNDP) چارواکو نن دوشنبې (د زمري ۶ مه) د سازمان په X پاڼه کې لیکلي چې سږکال یې د هیواد په مرکزي سیمو کې د ۲۳ تعلیمي مرکزونو لپاره د لمریزې بریښنا سیسټمونه نصب کړي دي.

سازمان ویلي چې ۱۰،۳۲۷ زده کونکي له دې بریښنا څخه کار اخلي.

د ملګرو ملتونو د پراختیایي پروګرام دفتر لیکلي چې لمریزه انرژي په دوامداره پرمختګ کې رول لوبوي.

جمهورخبري آژانس