طالبانو اعلان وکړ چې د دې ډلې د اداري مرستیال په ارګ ماڼۍ کې د اسلامي نړۍ د پیوستون سازمان د مشر هرکلی وکړ.
د جمهور آژانس د خبر له مخې طالبانو نن دوشنبه (د چنګاښ ۳۰ مه) په یوه اعلامیه کې وویل چې د دې ډلې د اداري مرستیال د اسلامي نړۍ د پیوستون سازمان (رباط العالم الاسلامي) د مشر محمد بن عبدالکریم العیسی هرکلی وکړ، چې کابل ته په رسمي سفر راغلی و.
پلان شوې ده چې د طالبانو رییس الوزرا ملا محمد حسن اخوند به د اسلامي نړۍ د پیوستون سازمان له مشر او د هغه له ملګري پلاوي سره د طالبانو د امارت او دې سازمان ترمنځ د اړیکو د پراختیا او د اسلامي نړۍ پورې اړوند مسلو او د هغوی د حل لارو په اړه خبرې وکړي.
د خپل رسمي سفر په جریان کې، د اسلامي نړۍ د پیوستون سازمان مشر ډاکټر محمد بن عبدالکریم العیسی به د کورنیو چارو سرپرست وزیر سراج الدین حقاني او د بهرنیو چارو سرپرست وزیر مولوي امیر خان متقي سره جلا جلا لیدنې ولري.
جمهورخبري آژانس
