په کابل کې د ایران سفارت د هیواد د ولسمشر په حواله اعلان کړی چې د کډوالو په وړاندې زموږ هڅې په ایران کې د دوی د شتون د تنظیم لپاره یو اړین اقدام دی.

د جمهور آژانس د خبر له مخې په کابل کې د ایران سفارت نن یکشنبې (د چنګاښ ۲۹ مه)، د دغه هېواد د ولسمشر مسعود پېژیکان په حواله وویل چې افغان وګړي زموږ وروڼه او خویندې دي او هغه څه چې ترسره کیږي په ایران کې د دوی د شتون د تنظیم لپاره یو اړین اقدام دی، چې په نهایت کې به دوی ته ګټه ورسوي.

هغه وویل چې موږ به هڅه وکړو چې ډاډ ترلاسه کړو چې دا اقدامات په خورا درناوي سره ترسره شي.

په یوه بله اعلامیه کې، سفارت په هرات کې د طالبانو د بهرنیو چارو وزارت د استازي دفتر د مشر په حواله ویلي چې هیواد ته د بیرته راستنیدو پرمهال د غیر مجاز افغان اتباعو لپاره د ایران د حکومت او خلکو خدمات مطلوب دي او د ستاینې وړ دي.

هغه زیاته کړه چې د طالبانو چارواکي او د دې هیواد خلک به په تیرو کلونو کې د افغان اتباعو سره د ایرانیانو ښه میلمه پالنه هیره نه کړي.

جمهورخبري آژانس