د طالبانو د سړکونو د ترانسپورت او هوايي چلند مرستیال وزیر د قزاقستان د ترانسپورت له مرستیال وزیر سره ولیدل، او دواړو خواوو د ترانسپورتي اړیکو د پراخولو په اړه بحث وکړ.
د جمهور آژانس د خبر له مخې د طالبانو د ترانسپورت او هوايي چلند وزارت نن شنبې (د چنګاښ ۲۱ مه) په یوه اعلامیه کې وویل چې د وزارت د سړکونو د ترانسپورت مرستیال وزیر عبدالسلام حیدري په کابل کې د قزاقستان د ترانسپورت له مرستیال وزیر کالیاکپاروف مکسات سره ولیدل.
دواړو خواوو د ترانسپورتي اړیکو د پراخولو، د دواړو خواوو ترمنځ د نړیوال سړکونو د ترانسپورت تړون او د کابل او آستانه ترمنځ د مستقیمو الوتنو د پیل په اړه بحث وکړ.
د طالبانو د سړکونو د ترانسپورت مرستیال وزیر له قزاقستان سره د ترانسپورتي اړیکو پراخول د سیمه ییزې او نړیوالې همکارۍ د پراختیا لپاره د ډلې د ستراتیژۍ یوه مهمه برخه وبلله.
هغه هیله څرګنده کړه چې د دې تړونونو پلي کول به د دواړو هیوادونو او سیمې ترمنځ د سوداګرۍ او ټرانزیټ تبادلې په حجم کې د پام وړ بدلون راولي.
د قزاقستان د ترانسپورت مرستیال وزیر هم د خپل هیواد په هوډ ټینګار وکړ چې له افغانستان سره د ترانسپورت په سکتور کې اړیکې په هر اړخیزه توګه پراختیا ورکړي.
جمهورخبري آژآنس
