د طالبانو د اداري مرستیال عبدالسلام حنفي د چین-جنوبي آسیا په نهم نندارتون او فورم کې د ګډون لپاره چین ته لاړ.
د جمهور آزانس د خبر له مخې طالبانو مرکزي دفتر نن سې شنبه (د غبرګولي ۲۷ مه) اعلان وکړ چې د دې ډلې اداري مرستیال مولوي عبدالسلام حنفي د طالبانو د پلاوي په مشرۍ چین ته تللی دی ترڅو د چین-جنوبي آسیا په نهم نندارتون او فورم کې ګډون وکړي.
د طالبانو په پلاوي کې د صنعت او سوداګرۍ سرپرست وزیر نورالدین عزیزي او د طالبانو د بهرنیو چارو وزارت د مالي او اداري مرستیال وزیر محمد نعیم وردک شامل دي.
ټاکل شوې ده چې د دې سفر په جریان کې، مولوي عبدالسلام حنفي د چین-جنوبي آسیا په نهم نندارتون او فورم کې ګډون او وینا وکړي، او د چین له یو شمیر چارواکو سره به وګوري ترڅو د دواړو خواوو ترمنځ په بیلابیلو برخو کې د اړیکو پراخولو په اړه بحث وکړي.
جمهورخبري آژانس
