سید مجید موسوي د اسلامي انقلابي ګارډ قول اردو د هوايي ځواک د قوماندان په توګه وټاکل شو

د جمهور اژانس د راپور له مخې، د جنرال حاجي زاده له شهادت وروسته، د ایران د اسلامي انقلاب مشر ایت الله سید علي خامنه اي د شنبې په ورځ (د غبرګولي ۲۴ مه) یو فرمان صادر کړ چې جنرال سید مجید موسوي یې د اسلامي انقلابي ګارډ قول اردو د هوايي ځواک د قوماندان په توګه وټاکه.

د آیت الله خامنه اي د فرمان متن کې راغلي دي چې د بدنام صهیونیسټ رژیم په لاس د تورن جنرال امیر علي حاجي زاده د عزتمن او ویاړمن شهادت په مناسبت، او د سپاه پاسداران د مشر د وړاندیز او ستاسو د ارزښتناکو وړتیاوو او تجربو پر بنسټ، زه تاسو د اسلامي انقلابي ګارډ قول اردو د هوايي ځواک د قوماندان په توګه ټاکم.

په فرمان کې راغلي چې د جامع وړتیاوو لوړول او د توغندیو او ډرون سکتورونو د چمتووالي زیاتوالی، او په فضا کې د چمتووالي او واکمنۍ شتون، او همدارنګه د پرسونل او هغو کسانو د تقوا او بصیرت پیاوړتیا چې روحاني ځواک لري د اسلامي انقلاب په کچه د ځواک جوړولو په حرکت کې تمه کیږي.

د یادونې وړ ده چې د انقلابي ګارد د فضايي ځواک پخوانی قوماندان برید جنرال امیر علي حاجي زاده پرون د اسراییلو په برید کې شهید شو.

جمهورخبري آژانس