ازبکستان ته د ۱۷ کیلوګرامه شیشو د قاچاق مخه ونیول شوه

په بلخ کې د طالبانو د امنیتي قوماندانۍ ویاند اعلان وکړ چې دوی ازبکستان ته د ۱۷ کیلوګرامه شیشې د قاچاق مخه نیولې ده.

د جمهور اژانس د راپور له مخې، د بلخ ولایت د پولیسو د قوماندانۍ ویاند عیسی واثق د سې شنبې په ورځ (د غوايي ۲۳ مه) وویل چې په دې ولایت کې امنیتي ځواکونو درې قاچاق وړونکي ونیول چې غوښتل یې ۱۷ کیلوګرامه شیشه ازبکستان ته انتقال کړي.

طالبانو ویلي چې د بلخ ولایت د پولیسو د قوماندانۍ د مخدره توکو پر وړاندې د مبارزې د ځواکونو د هڅو په مننه، درې قاچاق وړونکي چې له کندهار ولایت څخه یې ۱۷ کیلوګرامه شیشه په یوه کرولا موټر کې بار کړې وه او هڅه یې کوله چې ازبکستان ته یې انتقال کړي، د بلخ ولایت په کلدار ولسوالۍ کې د ټوپک له یوې بوشکې سره ونیول شول.

واثق زیاته کړه، د نیول شویو کسانو دوسیه به له لومړنیو څېړنو وروسته عدلي او قانوني چارواکو ته وسپارل شي.

جمهورخبري آژانس