د هند او پاکستان ترمنځ پوځي شخړې خپل اوج ته رسیدلې، چې نن سهار (شنبه د غوايي ۲۰ مه د پاکستان پوځ د "بنیان مرصوص" په نوم د هند پر وړاندې د پوځي عملیاتو د پیل اعلان وکړ.
دا اقدام د پاکستان په دریو هوايي اډو باندې د هند د توغندیو بریدونو په ځواب کې شوی دی.
د جمهور اژانس د راپور له مخې، د پاکستان پوځ اعلان وکړ چې په خپل غچ اخیستونکي عملیاتو کې یې د هند درې مهمې اډې په نښه کړې، په شمول د پټانکوټ او اودهمپور هوايي اډې، او په شمالي هند کې د برهموس توغندیو یوه لویه ډیپو. پاکستاني سرچینو ادعا وکړه چې په دې بریدونو کې د فتح-۱ بالستیک توغندي کارول شوي او د هند د ۱.۵ ملیارد ډالرو S-۴۰۰ هوايي دفاعي سیسټم په آدم پور کې ویجاړ شوی دی
هندي رسنیو د پټانکوټ هوايي اډې ته نږدې د درنو چاودنو د اورېدو راپور هم ورکړی دی. د هند لومړني بریدونه او د پاکستان غبرګون د پاکستان د پوځ ویاند احمد شریف چودري اعلان وکړ چې هند نن سهار د پاکستان په دریو هوايي اډو توغندیز بریدونه کړي، چې په کې اسلام آباد ته نږدې نورخان، شورکوټ او مرید شامل دي.
د هغه په وینا، د هند ډېری توغندي د پاکستان د هوايي دفاعي سیسټمونو له خوا شنډ شول او بریدونو کې هیڅ ډول مرګ ژوبله نه ده رامنځته شوې.
چودري خبرداری ورکړ چې هند باید د پاکستان له خوا د پرېکنده ځواب لپاره ځان چمتو کړي. د هند هوايي ډګرونه وتړل شول د زیاتیدونکي تاوتریخوالي او غچ اخیستونکو هوایي بریدونو وروسته، د هند حکومت اعلان وکړ چې د هیواد د ۳۲ هوایی ډګرونو عملیات د می تر ۱۵مې پورې ځنډول شوي دي.
د ټایمز اف انډیا ورځپاڼې راپور ورکړی چې دا پریکړه د هند په سرحدي سیمو کې د پاکستان د توغندیو او ډرون بریدونو وروسته شوې ده. دې وضعیت د دواړو هېوادونو اسمانونه تقریبا د ملکي الوتنو څخه خالي کړي دي.
دوامداره پوځي عملیات او اخطارونه د پاکستان پوځ، د "بنيان مرسوس" عملیاتو (چې د سورت الصف څخه اخیستل شوي دي) تاییدولو سره، اعلان وکړ چې بریدونه به یې تر هغه وخته پورې دوام وکړي تر څو چې بشپړ اهداف ترلاسه نشي.
د پاکستان امنیتي سرچینو ټینګار وکړ چې د هند د تیري ځواب قاطع دی او دا عملیات د هیواد د دفاعي ستراتیژۍ یوه برخه ده.
برعکس، هند تر اوسه د خپلو اډو او دفاعي سیسټمونو د ویجاړولو په اړه د پاکستان ادعاوو ته په رسمي ډول ځواب نه دی ورکړی.
جمهورخبري آژانس
