ننګرهار؛ شېرزادو ولسوالۍ کې د یوه برېښناکوټ د جوړلو چارې پیل شوې

د ننګرهار ولایت ځايي چارواکي وایي، د دغه ولایت په شېرزادو ولسوالۍ کې د (یو این ډي پي) موسسې په مالي ملاتړ د ۱۳.۹ میلیونه افغانیو په لګښت د یوه برېښنا کوټ د جوړوړلو چارې پیل شوې دي.

د جمهور خبري آژانس د مسوولینو په خبره په دغه پروژه کې د ۸۰ کیلو واټه ظرفیت یوه ډینمو، د ۲۰۰ او ۲۵ کیلو واټه ظرفیت ۱۱ ترانسفرمرونه، د ۱۲۰ پايو ترمیم، ۱۰۰ نوې پايې او ۸۰ متره محافظوي دېوال جوړول شامل دي، چې پر مټ به یې د سیمې ۱۱۰۰ کورنۍ له برېښنا څخه برخمنې شي.

جمهورخبري آژانس